Ní gá. Féadfaidh ábhar sonraí iarratas a dhéanamh chun cúirte faoi alt 117 den Acht um Chosaint Sonraí, 2018. I gcás go gcinneann duine aonair caingean den sórt sin a shaothrú, tá sé tábhachtach a thabhairt faoi deara nach bhfuil aon ról le himirt ag an gCoimisiún um Chosaint Sonraí (an Coimisiún) in aon imeachtaí den sórt sin. De bhreis air sin, ní bheidh an Coimisiún in ann aon scrúdú atá á dhéanamh aige a bhrostú chun freastal ar aon chaingean cúirte den sórt sin. Mar an gcéanna, ní theastaíonn ón gcúirt an toradh ar scrúdú an Choimisiúin a bheith aici chun a cinneadh féin a dhéanamh.

Ba cheart. Laghdófar an méid ama a theastaíonn chun saincheist a réiteach má bhíonn na páirtithe uile ar an eolas ón tús faoi na hionchais. Ba cheart na hionchais sin a bheith réasúnach agus ba cheart é a bheith laistigh de chumhacht an rialaitheora sonraí iad a chomhlíonadh, áfach.

Níl aon sásra ann faoina bhféadfaidh an Coimisiún um Chosaint Sonraí (an Coimisiún) cúiteamh a dhámhachtain. Dá bhrí sin, ní bhfaighidh tú aon airgead choíche ón gCoimisiún tar éis duit gearán a chur isteach, fiú i gcás go ndéantar cinneadh i d’fhabhar.

Ní fhéadfaidh an Coimisiún um Chosaint Sonraí (an Coimisiún) saincheisteanna fostaíochta nó nithe coiriúla a scrúdú. Ó am go chéile, áfach, cuireann ábhair sonraí ceist faoi cé acu a fhéadfaidh a bhfostóir úsáid a bhaint as píosaí scannáin TCI ina dtaispeántar iad agus iad ag goid nó ag fágáil na hoibre go luath chun smacht a chur orthu.

Laistigh den reachtaíocht um chosaint sonraí, tá brí mhínithe ag an bhfocal “sárú”.  Ciallaíonn sárú sonraí go raibh sárú slándála ann ó thaobh an rialaitheora sonraí de, rud ba chúis le scriosadh sonraí pearsanta, le caillteanas sonraí pearsanta nó le nochtadh neamhúdaraithe sonraí pearsanta, i measc nithe eile.

Ní fhaigheann. Níl aon fhoráil ann sa dlí um chosaint sonraí lena gcuirtear ar an gCoimisiún um Chosaint Sonraí (an Coimisiún) an fhíneáil, nó aon chuid d’aon fhíneáil, a dhámhachtain don duine lena mbaineann.

Baineann sé seo le hiarraidh Airteagal 15 ar rochtain d’ábhar sonraí.

Déileálann an Coimisiún um Chosaint Sonraí (an Coimisiún) le hábhair sonraí iad féin i ndáil lena gcearta cosanta sonraí féin. Mar sin féin, más mian le duine éigin go ngníomhódh tríú páirtí thar a c(h)eann, beidh litir údaráis shínithe ón duine aonair sin ag teastáil. Gheobhaidh an Coimisiún an t-údarú go díreach ón duine aonair é/í féin agus, dá bhrí sin, teastóidh uaidh mionsonraí teagmhála an duine aonair sin chun déanamh amhlaidh.

Más mian leat ábhar imní a chur in iúl nó gearán a thaisceadh leis an gCoimisiún um Chosaint Sonraí (an Coimisiún), is féidir leat dul chuig an rannán ‘Déan teagmháil leis an gCoimisiún um Chosaint Sonraí’ de shuíomh Gréasáin an Choimisiúin agus an fhoirm Ghréasáin a chomhlánú ina hiomláine.

De rogha air sin, is féidir leat ríomhphost a sheoladh chuig an gCoimisiún ag info@dataprotection.ie. Beidh ort d’ábhar imní maidir le cosaint sonraí a leagan amach go soiléir.

Sula ndéanann tú gearán leis an gCoimisiún um Chosaint Sonraí (an Coimisiún), moltar duit teagmháil a dhéanamh leis an rialaitheoir sonraí agus d’ábhair imní maidir le cosaint sonraí a leagan amach i scríbhinn. Moltar duit freisin freagra i scríbhinn ón rialaitheoir sonraí a iarraidh. Is é an chúis leis sin ná gurb amhlaidh, ó thaithí an Choimisiúin, is minic is féidir nithe a réiteach idir an duine aonair agus an rialaitheoir sonraí nuair a chuirtear an ní in iúl don rialaitheoir sonraí den chéad uair.