Tá ag an gCoimisiún um Chosaint Sonraí (an Coimisiún) rannán tiomnaithe ar a shuíomh Gréasáin lena dtugtar faisnéis bhreise cosanta sonraí agus acmhainní breise cosanta sonraí d’eagraíochtaí.

Má chinneann tú soláthraí seachtrach néalseirbhíse (an “soláthraí”) a fhostú, chun doiciméid, grianghraif, físeáin agus comhaid eile a uaslódáil agus a stóráil ar chianfhreastalaí (“néalseirbhís”), mar shampla, d’fhéadfadh do chaidreamh leis an soláthraí a bheith ina chaidreamh rialaithe chomhpháirtigh, ina chaidreamh idir rialaitheoir agus próiseálaí nó ina chaidreamh rialaithe chomhpháirtigh agus ina chaidreamh idir rialaitheoir agus próiseálaí araon.

In amanna, beidh ar eagraíocht na seirbhísí de chuid fochonraitheora nó gníomhaire a fhostú chun sonraí pearsanta a phróiseáil thar a ceann.  Tugtar ‘próiseálaí sonraí’ ar ghníomhaire den sórt sin faoin dlí um chosaint sonraí. Mar shampla, is féidir go mbeidh fonn ar chuideachta na seirbhísí de chuid cuideachta párolla a fhostú chun déileáil lena saincheisteanna párolla. Is é an fostóir an rialaitheoir sonraí agus is é an chuideachta párolla an próiseálaí sonraí.

Is é is sárú sonraí pearsanta faoin Rialachán Ginearálta maidir le Cosaint Sonraí (RGCS) ann ná ‘sárú ar shlándáil as a dtagann scriosadh, cailleadh, athrú nó nochtadh neamhúdaraithe sonraí pearsanta a rinneadh a tharchur, a stóráil nó a phróiseáil ar shlí eile, nó rochtain neamhúdaraithe ar na sonraí sin, bíodh sé sin de thaisme nó neamhdhleathach’.

Faoi alt 169 d’Acht na gCuideachtaí, 2014, arna leasú, ceanglaítear ar gach cuideachta clár de chomhaltaí na cuideachta a choinneáil, rud ina gcuimsítear mionsonraí faoi ainm agus seoladh gach comhalta, i measc nithe eile. Foráiltear leis an Acht nach mór do Chuideachta Bainistíochta Úinéirí clár a choinneáil dá comhaltaí, ar clár é nach mór don chuideachta é a chur ar fáil lena iniúchadh gan mhuirear. De bhreis air sin, foráiltear le halt 216(11) d’Acht na gCuideachtaí, 2014, go bhféadfaidh aon chomhalta cóip den chlár comhaltaí, nó cóip d’aon chuid den chlár comhaltaí, a iarraidh.

Ceanglaítear ar Chuideachta Bainistíochta Úinéirí le halt 18 den Acht um Fhorbairtí Ilaonad, 2011, scéim a bhunú agus a chothabháil chun muirir seirbhíse a comhaltaí uile a bhailiú. Is é atá i bhfaisnéis amhail íoc muirear seirbhíse arna fáil le linn scéim den sórt sin a oibriú ná sonraí pearsanta na ndaoine aonair lena mbaineann agus, mar sin de, ní mór an fhaisnéis sin a phróiseáil de réir an Rialacháin Ghinearálta maidir le Cosaint Sonraí (RGCS) agus de réir an Achta um Chosaint Sonraí, 2018.

Ní hé atá in íocaíocht a dhéanamh as dleacht ar allmhairiú is iníoctha faoi dhlí cánach na hÉireann, ag teacht sna sála ar sheachadadh earraí, ná íocaíocht is cúis le haon saincheisteanna cosanta. Is fiach dlisteanach é a bhíonn le híoc. I gcás nach n-íoctar an fiach, is féidir go bhféachfaidh seirbhísí seachadta beartán le gníomhaireachtaí bailithe fiach a úsáid chun an t-airgead atá dlite a bhailiú.

Chun bóithre dola agus an dola atá saor ó bhacainní ar an M50 a úsáid, is gá táille a íoc le eFlow, a oibríonn an córas dola. Is ainm gnó cláraithe de chuid Bhonneagar Iompair Éireann (TII) é eFlow. Is féidir an táille a íoc ar bhealaí éagsúla. Más rud é, áfach, nach n-íocann duine aonair an táille tar éis an dola a úsáid nó go ndéanann sé/sí íocaíocht dhéanach, gheobhaidh sé/sí fógra dola.