Tá feidhm dhíreach ag an Rialachán Ginearálta maidir le Cosaint Sonraí (RGCS) in Éirinn maidir le formhór na gcineálacha próiseála sonraí agus léitear é i gcomhar leis an Acht um Chosaint Sonraí, 2018. De bhreis ar na rialacha ginearálta sin, áfach, tá rialacha ann a bhfuil feidhm shonrach acu maidir le margaíocht dhíreach leictreonach (margaíocht a sheoltar ar an teileafón, trí fhacs, trí theachtaireacht téacs agus le ríomhphost). Leagtar na rialacha sin amach sna Rialacháin um Príobháideacht agus Cumarsáid Leictreonach (I.R. Uimh. 336 de 2011). 

Is é atá sna Rialacháin um Príobháideacht agus Cumarsáid Leictreonach ná tacar breise rialacha is infheidhme i leith cineálacha áirithe próiseála sonraí, lena n-áirítear margaíocht dhíreach leictreonach, agus léitear iad le chéile leis na rialacha atá san Acht um Chosaint Sonraí, 2018, agus in RGCS.