Tá seans ann go mbeidh tú den tuairim gur ceist shimplí atá sa ghearán uait. Mar a tharlaíonn, is minic is ann do phíosaí eile reachtaíochta agus do fhreagrachtaí eile, mar aon le héifeachtaí forleathana eile, is gá a chur san áireamh freisin. Mar shampla, is féidir go mbeidh tú ag iarraidh ar dhochtúir do thaifid liachta a scriosadh. Dá ainneoin sin, is féidir leis sin impleachtaí tromchúiseacha a bheith aige d’aon chúram a d’fhéadfadh a bheith ag teastáil uait sa todhchaí. Ina theannta sin, más rud é gur mhol an dochtúir duit dul faoi thástáil agus gur dhiúltaigh tú don mholadh sin, is féidir go mbeidh ar an dochtúir an taifead sin a choinneáil mar fhianaise in aon imeachtaí dlíthiúla sa todhchaí. Ní mór don Choimisiún um Chosaint Sonraí (an Coimisiún) na gnéithe uile a bhreithniú ón dá thaobh, ar aon dul le nósanna imeachta córa, agus ní mór dó a bhreithniú cé leis na cearta is mó, agus aird á tabhairt ar an reachtaíocht um chosaint sonraí agus ar aon reachtaíocht rialaithe a bhfuil an rialaitheoir sonraí faoina réir. Tógann sé am chun an anailís chúramach sin a chur i gcrích agus, de bharr an lín gearán a fhaightear, tuilleann gach gearán go gcaithfí am cothrom air agus go ndéanfaí breithniú cothrom air.