Leis an Rialachán Ginearálta maidir le Cosaint Sonraí (RGCS), tugtar cosaint bhreise do chatagóirí áirithe sonraí pearsanta, dá ngairtear “sonraí catagóire speisialta”, faoi Airteagal 9 RGCS. Is ionann sonraí catagóire speisialta agus sonraí lena léirítear:

“Tionscnamh ciníoch nó eitneach, tuairimí polaitiúla, creideamh reiligiúnach nó fealsúnach, nó ballraíocht i gceardchumann, agus próiseáil sonraí géiniteacha agus sonraí bithmhéadracha chun duine nádúrtha a shainaithint go huathúil, sonraí a bhaineann leis an tsláinte nó sonraí a bhaineann le saol gnéis nó le gnéaschlaonadh duine nádúrtha”.

Ní phróiseálfar na catagóirí sonraí pearsanta sin ach amháin i gcás go bhféadfaidh rialaitheoir leas a bhaint as ceann amháin de na heisceachtaí faoi Airteagal 9(2) RGCS. Áirítear leis na heisceachtaí sin toiliú sainráite, eisceachtaí ar bhonn dhlí na fostaíochta nó na cosanta sóisialta agus próiseáil i ndáil leis na cúirteanna agus iad ag gníomhú ina gcáil bhreithiúnach. Féach Airteagal 9(2) le haghaidh liosta iomlán de na heisceachtaí.