Laistigh den reachtaíocht um chosaint sonraí, tá brí mhínithe ag an bhfocal “sárú”.  Ciallaíonn sárú sonraí go raibh sárú slándála ann ó thaobh an rialaitheora sonraí de, rud ba chúis le scriosadh sonraí pearsanta, le caillteanas sonraí pearsanta nó le nochtadh neamhúdaraithe sonraí pearsanta, i measc nithe eile.

Is minic a deir ábhair sonraí gur sáraíodh a gcearta nuair ba cheart dóibh a rá gur cuireadh isteach ar a gcearta. Mar shampla, más rud é gur dhiúltaigh rialaitheoir sonraí do do sheoladh poist a cheartú tar éis duit fianaise a sholáthar ar do sheoladh ceart, is cur isteach é sin ar do chearta cosanta sonraí in ionad é a bheith ina shárú ar do chearta cosanta sonraí. Más rud é gur eisigh an rialaitheoir sonraí céanna sin comhfhreagras ansin chuig an seoladh poist mícheart agus gur oscail tríú páirtí an comhfhreagras sin, is sárú sonraí é sin.