Foráiltear le halt 56 den Acht um Chosaint Sonraí, 2018, do cheart faoi Airteagal 15 chun rochtain a fháil ar thorthaí, ar scríbhinní de scrúdú agus ar thorthaí achomhairc. Maidir le hiarrataí faoi Airteagal 15 a rinneadh i ndáil le toradh scrúdaithe nó i ndáil le scríbhinní a comhlánaíodh i gcúrsa scrúdaithe, measfar go ndearnadh iad ar an dáta is déanaí díobh seo a leanas:

(a) an dáta ar ar foilsíodh torthaí an scrúdaithe den chéad uair, nó

(b) dáta na hiarrata

Maidir le hiarraidh faoi Airteagal 15 a rinneadh i ndáil le toradh achomhairc i gcoinne toradh scrúdaithe, measfar go ndearnadh í ar an dáta is déanaí díobh seo a leanas:

1. an dáta ar ar foilsíodh torthaí an achomhairc den chéad uair, nó

2. dáta na hiarrata

Mar shampla, is gnách go seoltar na scrúduithe Ardteistiméireachta le linn mhí an Mheithimh agus go n-eisítear na torthaí le linn mhí Lúnasa. Dá bhrí sin, beag beann ar cén uair a rinneadh an iarraidh, measfar go ndearnadh an iarraidh faoi Airteagal 15 ar an dáta is déanaí den dáta ar ar foilsíodh na torthaí scrúdaithe (Lúnasa) nó de dháta na hiarrata í féin. Má rinneadh an iarraidh i mí an Mheithimh, is é sin dáta iarbhír na hiarrata. Mar sin féin, meastar go ndearnadh an iarraidh i mí Lúnasa, ar an dáta ar ar eisíodh na torthaí.